ZindSa · Zindagi Ka Sathi

Privacy Policy

ZindSa Privacy Policy (saransh)
Prabhavi: 1 Aug 2026 · EWUS Technologies

1. DATA SWARAJ - humara mool niyam: aapka janm-vivaran (tithi,
samay, sthan), parivar, kundli, daan-record, sankalp - ye SAB
sirf aapke phone par rehta hai. Ye humare server par kabhi nahi
jata.

2. Server par sirf: naam, email, phone (login ke liye) aur - agar
aap Pro ya Guru-seva lete hain to - billing/booking record
(Razorpay order id, raashi). Bas.

3. Guru Connect: booking, chat-sandesh aur call ka signaling
server se guzarta hai (do logon ko jodne ke liye zaroori). Call
ki awaaz/video humare server par KABHI record ya store nahi hoti.

4. Location sirf aapke phone par prayog hoti hai (suryoday/namaz
samay, aas-paas ke sthal Maps mein kholne ke liye). Hum ise
server par nahi bhejte.

5. AI Salahkar ko sirf aapka prashn, dharm aur (jawab ko behtar
banane ke liye) aapki usi baat-cheet ke pichhle sandesh jate
hain - naam, janm-vivaran ya koi pehchan nahi. Baat-cheet server
par store nahi hoti.

6. Hum aapka data kisi ko bechte nahi, vigyapan ke liye prayog
nahi karte. App mein vigyapan hai hi nahi.

7. Khata hatane par server ka aapka record 30 din mein hat jata
hai. Phone ka data aap app hata kar khud mita sakte hain.

Prashn: support@zindsa.com